Шифокор иссиқ душ хавфи ҳақида огоҳлантирди

 

Германиялик шифокор Маҳяр Маддаҳали ҳаддан ташқари иссиқ душ соғлиқ учун сезиларли хавфларни келтириб чиқариши мумкинлигини маълум қилди. Даилй Маил хабарига кўра, иссиқ сув босимнинг кескин тушишига, бош айланишига, ҳаттоки ҳушдан кетишга олиб келиши мумкин. Шунингдек, у терининг ҳимоя қатламини заифлаштиради.

 

Шифокорнинг тушунтиришича, юқори ҳарорат таъсирида теридаги қон томирлари кенгаяди — бу организмнинг табиий совуқланиш реакцияси ҳисобланади. Аммо бу ҳолат айрим одамларда нохуш ҳолатларга, жумладан, мувозанат йўқолиши ва йиқилишларга сабаб бўлиши мумкин.

 

“Ҳаммомдаги қаттиқ юзалар ҳушидан кетиб йиқилган одам учун жиддий хавф туғдиради. Бундай йиқилиш оғир жароҳатлар билан якунланиши мумкин”, — дейди шифокор.

 

Хавфни камайтириш учун у қуйидагиларни тавсия этади:

• Заифлик сезилганда сув ҳароратини пасайтириш
• Сирпанишга қарши паспаслар, тутқичлар ва душ стулчалари қўллаш
• Фавқулодда ҳолат учун сигнал берувчи мосламалардан фойдаланиш

 

Бундан ташқари, иссиқ сув терининг табиий ёғли қатламини ювиб юборади, бу эса қуруқлик, тирнаш ва аллергик реакцияларга олиб келади. Мунтазам иссиқ душ сочларни ҳам заифлаштиради: улар мўртлашади, учлари тезроқ синади ва соғлом кўринишини йўқотади.

 

Иссиқ сувнинг яна бир хавфи — тери микробиомасининг бузилиши. Бу фойдали бактериялар қатлами организмнинг иммун ҳимоясини таъминлашда муҳим роль ўйнайди. Улар йўқолса, тананинг инфекцияларга қарши табиий кураш қобилияти сусаяди.