Қуёшда кўзойнаксиз юриш кўриш қобилиятини пасайтиради

 

Ёрқин қуёш остида кўзларни ультрабинафша нурланишдан ҳимоя қилмаслик кўриш қобилиятининг сезиларли даражада ёмонлашувига олиб келиши мумкин. Бу ҳақда рус офтальмологи Светлана Миргородская маълум қилди.

 

“Қуёшда кўзойнаксиз бутунлай кўр бўлиб қолиш эҳтимоли паст, аммо кўзнинг тўқималари, хусусан, ретина ва пигмент эпителийсига зарар етиши мумкин. Бу эса доимий ёки қайтарилмас кўриш муаммоларига олиб келади”, — дейди мутахассис.

 

Қуёш тутилишига кўзларни ҳимоя қилмасдан тўғридан-тўғри қараш айниқса хавфли ҳисобланади. Офтальмологнинг айтишича, айнан шундай ҳолатларда кўз шикоятлари билан шифокорга мурожаатлар сони кескин ортади.

 

Миргородская ультрабинафша (УВ) нурларининг уч тури ҳақида ҳам маълумот берди:

 

• С-нурлар: атмосферанинг озон қатлами томонидан тўлиқ ютилади, хавфсиз.
• Б-нурлар: конъюнктива ва шох парда куйишига олиб келиши, птеригиум ва кератоконусга сабаб бўлиши мумкин.
• А-нурлар: кўз линзаларига ва ретина фоторесепторларига зарар етказади, катаракта ва макула дегенерациясини қўзғатиши мумкин.

 

Шунинг учун офтальмолог қуёшдан сақловчи кўзойнак танлашда УВ380–400 белгиламасига эга бўлган ультрабинафша фильтри мавжудлигига алоҳида эътибор қаратишни тавсия қилади.