Тоғли ҳудудларда сел хавфи эълон қилинди
Андижон, Наманган ва Фарғонада сел юзага келиши мумкин.
Ўзбекистон Гидрометеорология хизмати 20–22 июнь кунлари республиканинг тоғ олди ва тоғли ҳудудларида кучли ёмғирлар сабабли сел ва сув тошқинлари юзага келиши мумкинлиги ҳақида огоҳлантирди.
Огоҳлантириш қуйидаги ҳудудларга тегишли:
- Тошкент вилояти: Оҳангарон, Бўстонлиқ, Паркент, Пискент, Ўртачирчиқ, Юқоричирчиқ туманлари ҳамда Ангрен ва Олмалиқ шаҳарлари.
- Наманган вилояти: Поп, Косонсой, Чортоқ, Чуст, Наманган ва Янгиқўрғон туманлари.
- Фарғона вилояти: Сўх, Шоҳимардон, Фарғона, Бешариқ туманлари.
- Андижон вилояти: Андижон, Асака, Жалақудуқ, Қўрғонтепа, Пахтаобод, Избоскан, Хўжаобод, Марҳамат туманлари ҳамда Хонабод шаҳри.
Мутасаддилар тоғ олди ва тоғли ҳудудларда яшовчи ёки у ерда саёҳатда бўлишни режалаштирган фуқаролардан эҳтиёткорликни кучайтиришни, сел хавфи бўлган жойларда ҳаракатни чеклашни тавсия қилишмоқда.
Тегишли хизматлар ва фавқулодда ҳолатлар бўйича тузилмалар доимий кузатув олиб бормоқда.c
