Қибрайда автобус ва Cobalt аварияга учради
Ҳолат юзасидан расмий муносабат билдирилди.
Кеча, 23 июнь куни соат 17:00 ларда Тошкент вилояти Қибрай тумани ҳудудидан ўтган D-006 “Тошкент–Чирчиқ–Чимён” автомобиль йўлининг 6-километрида автобус ва Cobalt иштирокида йўл-транспорт ҳодисаси юз берди. Бу ҳақида вилоят ИИБ ЙҲХБ расмий муносабат билдирди.
Қайд этилишича, бир йўналишда ҳаракатланиб келаётган, 1983 йилда туғилган ҳайдовчи бошқарувидаги “MAN” русумли автобус ҳамда 1997 йилда туғилган ҳайдовчи бошқарувидаги “Cobalt” русумли енгил автомобил ўзаро тўқнашган.
Йўл-транспорт ҳодисаси натижасида ушбу транспорт воситаларидан ташқари яна бир неча автоуловларга ҳам шикаст етган.
Ҳодиса оқибатида тан жароҳати олган фуқаролар қайд этилмаган. Ҳолат юзасидан Қибрай тумани ИИБ Йўл ҳаракати хавфсизлиги бўлими ходимлари томонидан суриштирув ишлари олиб борилмоқда.
