АҚШ визага ариза топширган ўзбекистонликларнинг 64 фоизига рад жавоб берди

2024 йилда АҚШ томонидан Ўзбекистон фуқароларининг Б1/Б2 визаларига топширган аризаларининг 64,41 фоизи рад этилган, бу эса минтақадаги энг юқори кўрсаткичлардан биридир. Бу ҳақда АҚШ Давлат департаменти томонидан эълон қилинган ҳисоботда келтирилган. Бу ҳолат кўплаб юртдошлар учун муҳим масалага айланган ва саволлар уйғотган.

 

2023 йилга нисбатан бу кўрсаткич 4,85 фоизга ошган (2023 йилда 59,56% эди). Бу тенденция АҚШнинг Ўзбекистонга нисбатан визавий сиёсати кескинроқ бўлиб бораётганини англатади.

 

Марказий Осиё давлатлари орасида рад этилиш даражаси қуйидагича:

 

Қозоғистон – 46,29%

 

Тожикистон – 45,24%

 

Қирғизистон – 39,14%

 

Туркманистон – 58,80%

 

Бу рақамлар Ўзбекистон фуқароларининг визага бўлган талабларида нотўғри тўлдириш, ҳужжат етишмовчилиги, ёки ниятга ишончсизлик каби омиллар борлигини кўрсатади.

 

Лаос (82,84%), Сомали (77%), Мавритания (70,07%) каби давлатлар энг юқори рад жавоби олинган давлатлар сирасига кирган. Шу билан бирга, Франция (8,50%), Япония (5,76%) ва Бирлашган Араб Амирликлари (1,46%) каби давлатлардан ариза топширувчиларга нисбатан виза берилиш эҳтимоли жуда юқори.

 

Россияда рад этиш даражаси 38,56%, Беларусда 28,79%, Озарбайжонда эса атиги 21,46% бўлган. Ўзбекистон кўрсаткичи бу давлатларга қараганда анча юқори.

 

АҚШ визасини олишда рад этилишга қуйидаги сабаблар таъсир қилиши мумкин:

 

Виза суҳбатида ишонсиз баёнотлар;

 

Молиявий ҳужжатларнинг етарли эмаслиги;

 

АҚШда қолиб кетиш эҳтимолининг юқорилиги;

 

Аризани нотўғри тўлдириш ёки ёлғон маълумотлар.

 

Эндиликда Ф, М ёки Ж тоифадаги визаларга топширганлар ижтимоий тармоқ аккаунтларини оммавий қилишлари талаб этилади. Бу талаб 2025 йил 21 июндан кучга кирган ва визани олишда қўшимча шаффофликни таъминлаш мақсадида киритилган.