Қибрайда фуқаро каналга тушиб кетди
У ФВВ ходимлари томонидан қутқариб қолинган.
Тошкент вилоятининг Қибрай туманида каналга тушиб кетган фуқаро қутқариб қолинди. Бу ҳақида ФВВ ахборот хизмати хабар берди.
Қайд этилишича, кеча, 27 июнь куни соат 13:36 да Тошкент вилояти ФВБга 112 тизими орқали Қибрай тумани “ГEС Қодирия” МФЙ “Мустақиллик” кўчасидан оқиб ўтган “Бўзсув” каналига фуқаро эҳтиётсизлиги оқибатида тушиб кетганлиги ва ёрдам зарурлиги ҳақида хабар келиб тушган.
Хабарга асосан, зудлик билан айтилган манзилга бир гуруҳ қутқарувчилар етиб бориб, фуқарони соғ-саломат қутқариб олишган.
Эслатиб ўтамиз, аввалроқ Наманганда 16 ёшли қиз бошқарувидаги Спарк каналга тушиб кетди. Оқибатда қизнинг онаси ва синглиси вафот этганди.
