Tesla компанияси савдоси июн ойида кескин ошди
Электр автомобиллар бозори тикланиш жараёнида экани таъкидланмоқда.
Tesla компанияси июн ойида Буюк Британияда 7 719 дона автомобиль сотиб, ўтган йилга нисбатан савдосини 14% га оширди. Бу кўрсаткич электр автомобиллар бозоридаги умумий тикланиш жараёнида қайд этилди, дея хабар бермоқда Reuters.
Британия Автомобиль Ишлаб Чиқарувчилари ва Сотувчилари Жамияти (SMMT) ҳисоботига кўра, июн ойида мамлакатда янги автомобиллар рўйхатдан ўтказилиши 6,7% га, электр автомобиллар савдоси эса 39% га ошиб, 47 354 донага етган.
Шунга қарамай, йил бошидан буён Teslaнинг умумий савдоси Британияда деярли 2% га пасайган. Бу орада Хитойнинг BYD компанияси 2 498 дона автомобиль сотиқ билан тўрт баробар ўсишга эришди.
Deloitte эксперти Жейми Хемилтон EV бозорининг изчил ўсиши учун зарядлаш инфратузилмасининг кенгайтирилиши муҳимлигини қайд этди. Auto Motive нашрининг ёзишича, Ford компаниясининг электр автомобиллари савдоси йилнинг биринчи ярмида тўрт баробар ошган.
