Бўстонлиқдаги қир-адирда ёнғин юз берди
“Бурчмулла” ўрмон хўжалиги ҳам ёнғин ўчиришга жалб этилган.
Бугун, 6 июль куни соат 16:38 да Тошкент вилоятининг Бўстонлиқ тумани, “Қоранкўл” МФЙ ҳудудидаги қир-адирликда қуруқ ўт ва шох-шабаёнаётгани ҳақида Фавқулодда вазиятлар бошқармасига хабар берилган.
Воқеа жойига 4 та ёнғин-қутқарув экипажи йўналтирилиб, улар соат 17:00 да етиб борган ва зудлик билан ёнғинни ўчириш ишларини бошлаган.
Ёнғиннинг кенгайишига йўл қўймаслик мақсадида “Бурчмулла” ўрмон хўжалиги ходимлари ҳам жараёнга жалб этилган.
Ёнғин соат 19:16 да тўлиқ ўчирилган. Ҳодиса оқибатида тан жароҳати олганлар аниқланмади, ёнғин аҳоли яшаш жойларига хавф туғдирмаган.
