Ўзбекистонда 23,5 мингта хорижий корхона фаолият юритмоқда: энг кўпи савдо соҳасида
Саноат, ахборот ва алоқа ҳамда қурилиш йўналишлари ҳам хорижий корхоналар фаолиятида етакчи соҳалар қаторида.

2026 йил 1 ноябрь ҳолатига Ўзбекистонда хорижий инвестициялар иштирокидаги 23 501 та корхона фаолият юритмоқда. Уларнинг энг кўпи савдо ва саноат соҳаларига тўғри келади. Бу ҳақда Миллий статистика қўмитаси маълум қилди.

Фаолият йўналишлари бўйича корхоналар қуйидагича тақсимланган:
- савдо — 8 473 та;
- саноат — 4 493 та;
- ахборот ва алоқа — 1 991 та;
- қурилиш — 1 955 та;
- яшаш ва овқатланиш хизматлари — 1 021 та;
- ташиш ва сақлаш — 742 та;
- қишлоқ, ўрмон ва балиқчилик хўжалиги — 603 та;
- соғлиқни сақлаш ва ижтимоий хизматлар — 277 та;
- бошқа соҳалар — 3 946 та.
Аввалроқ ҳудудлар кесимида энг кўп хорижий корхона Тошкент шаҳрида қайд этилгани ҳақида хабар берилганди.








