“Тошкент бош режасига ўзгартириш киритилмайди”

Ижтимоий тармоқда Қурилиш ва уй-жой коммунал хўжалиги вазирлиги бошқарма бошлиғи Азиз Халиловнинг Тошкент шаҳар бош режасининг ўзгармаслиги ҳақида айтган гаплари турли муҳокамаларга сабаб бўлганди. Ҳолат юзасидан вазирлик расмий баёнот берди.

 

Қайд этилишича, вазир ўринбосари “бош режага ўзгартириш киритилмайди“ деганда тадбиркорнинг ўзгартириш киритилиши режалаштирилган «коррекцияси» ҳақидаги фикрига жавоб берган. Тадбиркорнинг таклифи ёки тадбиркор ғояси билан бош режа ўзгартирилмайди. Балки бош режа доимий такомиллашиб борадиган жараён.

 

Таъкидланишича, вазир ўринбосари шаҳарнинг бош режаси такомиллашуви ҳақида гапирмаган. Тадбиркор назарда тутган шахсий манфаатидаги маълум бир ўзгаришни назарда тутган.

 

Бош режани ишлаб чиқишда илмий асослар, шаҳарсозлик талаблари ва жамоатчилик фикри устувор аҳамият касб этади. 1969 йилда ташкил этилган “Тошкентбошпланлити” институти ушбу жараёнда доимий равишда илмий изланишлар олиб боради ва доимий равишда Тошкент ва Самарқанд шаҳарларининг бош режаларини такомиллаштириб боради.

 

“Тадбиркордан келиб тушган таклиф ёки буюртма асосида бош режага ўзгартириш киритилмайди. Вазир ўринбосарининг жавоби бошқарма бошлиғининг фикрини рад этмайди. Аксинча тўлдиради. Бош режа тадбиркорнинг фикри билан ўзгарадиган ҳужжат ҳисобланмайди”, дейилади munosabatda.