Самарқандда хонанда эри томонидан бўғиб ўлдирилди

Самарқандда хонанда Зебинисо Носирова ваҳшийларча ўлдирилди. Ҳодиса бўйича Бош прокуратура матбуот хизмати zamon.uz’га маълумот тақдим этди.

 

Аниқланишича, 2025 йил 26 июль куни соат тахминан 14:30 ларда, Пайариқ тумани Челак шаҳри Хўжаобод маҳалласи яшовчи 32 ёшли эркак ўзаро оилавий келишмовчилик натижасида вақтинча алоҳида яшаб келган турмуш ўртоғи олдига фарзандларини кўриш мақсадида келиб, у билан суҳбат давомида ўрталарида келиб чиққан келишмовчилик натижасида жанжаллашиб, уни қўли билан бўйин қисмидан буғиб қасддан ўлдирган.

 

Воқеа жойидан 1 дона “TECNO” русумли уяли қўл телефони, 1 дона “Iphone 15” русумли уяли қўл телефони ва 1 дона “IPad” планшет ашёвий далил сифатида олинди.  

 

Мазкур ҳолат юзасидан 26.07.2025 йилда Р.М.га нисбатан ЖКнинг 97-моддаси 1-қисми билан жиноят иши қўзғатилиб, унинг ҳимоя ҳуқуқи таъминланган ҳолда ишда гумонланувчи тариқасида жалб қилиниб, ЖПКнинг 221-моддаси тартибида ушланди.

 

Жиноят иши бўйича дастлабки тергов ҳаракатлари олиб борилмоқда. Тез орада zamon.uz воқеа жойидан махсус репортажни тақдим этади.