Тошкентдаги ишлаб чиқариш корхонаси ёниб кетди
ФВБ ҳодиса оқибатлари тўғрисида маълумот берди.
Бугун, 30 июль куни Тошкент шаҳрининг Олмазор туманида жойлашган ишлаб чиқариш корхонасида ёнғин келиб чиқди. Бу ҳақида шаҳар Фавқулодда вазиятлар бошқармаси хабар берди.
Қайд этилишича, соат 09:58 да Олмазор тумани Уста Ширин кўчасида жойлашган синтепон ишлаб чиқариш корхоналарининг бирида ёнғин бўлаётганлиги тўғрисида хабар келиб тушган.
Ёнғин-қутқарув экипажлари айтилган манзилга соат 10:02 да етиб боришган, олов 10:10 да қуршаб олинган ва 10:13 да тўлиқ бартараф этилган.
Ҳодиса оқибатида жабрланганлар тўғрисида хабар келиб тушмаган.
