Путин ва Лукашенко Трампнинг ультиматумига жавоб қайтарди

Владимир Путин ва Александр Лукашенко Валаам бўйича музокаралар олдидан Украинадаги можаро, уни тартибга солиш истиқболлари ва сўнгги қуроллар ҳақида баёнот беришди. Бу ҳақида РБК нашри ёзмоқда.

 

Россия президенти Владимир Путин музокаралар тинчликка қаратилган бўлса, у доимо муҳим эканини таъкидлади.

 

“Мен Истанбулдаги музокараларни ижобий деб баҳолайман. Юзлаб одамлар ўз ватанларига қайтганини қандай қилиб ижобий баҳоламаслик мумкин? Гуманитар сабабларга кўра минглаб ҳалок бўлган украиналик аскарларнинг жасадларини топширдик, бунинг эвазига бир неча ўнлаб аскарларимизнинг жасадини олдик”, дейди Путин.

 

Шунингдек, Россия раҳбари Украина бўйича музокаралар омма олдида эмас, тинч ва сокин муҳитда ўтиши кераклигини айтиб ўтган.

 

“Муаммони тинч йўл билан ҳал қилиш учун биз музокараларни омма олдида эмас, балки осойишта муҳитда хотиржамлик билан ўтказишимиз керак. Айнан шу мақсадда биз учта гуруҳ тузишни таклиф қилдик. Украина томони эса бунга ижобий муносабат билдирди”, дейди Путин.

 

Унинг таъкидлашича, узоқ муддатли сулҳ шартлари ўзгаришсиз қолган.

 

“Биз уларни ўтган йилнинг июнь ойида Россия Федерацияси Ташқи ишлар вазирлиги раҳбарияти билан бўлиб ўтган йиғилишда шакллантирган эдик. Бунга рус тили, мустақиллик ва православ черкови, Украинадаги насроний черкови ривожланиши учун муносиб шароитлар киради. Буларнинг барчаси биргаликда муҳокама қилиниши керак ва умуман ҳеч қандай муддатсиз, узоқ муддатли, мустаҳкам тинчлик учун асос бўлиши керак”, дея қўшимча қилган Россия етакчиси.

 

Александр Лукашенко Америка президенти Доналд Трампнинг ультиматумига изоҳ бериб, сиёсатда бундай йўқ тутиб бўлмаслигини айтди.

 

“50, 60, 10 кун. Сиёсат бундай бўлмайди. Агар у тинчликни истаса, бунга эҳтиёткорлик билан ёндашиши керак. Ахир бу ҳарбий можаро ва у ерда айниқса ядровий давлатга буйруқ бериб бўлмайди. Бу шунчаки кулиш”, деган Беларус раҳбари.

 

Шунингдек, Россия президенти “Орешник” ракеталарини тизимли равишда ишлаб чиқиш йўлга қўйилганини гапирган.

 

“Биз биринчи церийали “Орешник” тизимини ишлаб чиқардик. У армияга топширилди. Энди сериал ишлай бошлади. Мутахассисларимиз келажакдаги позициялар учун жой танладилар ва ҳозирда ушбу позицияларни тайёрлашмоқда. Демак, биз катта эҳтимол билан йил охиригача бу масалани ёпамиз”, деди Владимир Путин.