Трамп: АҚШ ядро урушига тўлиқ тайёр
Америка раҳбари Медведевнинг гапига жавоб қайтарди.
Америка Президенти Дональд Трамп Россия собиқ раҳбари Медведевнинг гапларига жавобан АҚШ ядро урушига тайёрлигини маълум қилди.
“Медведев ядро қуроли ҳақида гапириб, бизга таҳдид қила бошлади. Гап ядро қуроли ҳақида кетганда ҳар қандай ҳолатга тайёр бўлишимиз керак, биз тўлиқ тайёрмиз”, — деган у.
Ижтимоий тармоқларда Трамп ва Медведев ўртасидаги зиддият АҚШ президенти Россия-Украина урушини ўн кун ичида тугатиш бўйича янги ултиматум қўйганидан кейин юзага келган. Медведев ултиматумни танқид қилганида, Трамп уни “муваффақияциз собиқ президент” деб атаган.
Бунинг ортидан Медведев Россиянинг “Ўлик қўл” ядровий тўхтатувчи тизимини эслатди. Шундан сўнг Трамп Медведевнинг провокацион баёнотлари туфайли “тегишли ҳудудлар”га иккита ядровий сув ости кемасини жўнатаётганини маълум қилди.
