АҚШ Ғазодаги урушни йил оxиригача тугатмоқчи
Трамп бу бўйича бугун йиғилиш ўтказиши мумкин.
AҚШ 2025 йил охиригача Ғазодаги урушни тугатишни режалаштирмоқда. Бу ҳақида Президент Доналд Трампнинг махсус вакили Стив Уиткофф маълум қилди.
Унинг айтишича, Вашингтон Ғазодаги урушни 2025 йилнинг охирига қадар якунлашни мақсад қилган. Бу ҳақда у АҚШ ҳукумати йиғилишида сўз юритди.
ҲАМАС музокаралар орқали ўт очишни тўхтатишга тайёрлиги ҳақида сигналлар бермоқда, Исроил эса анклавга гуманитар ёрдам ҳажмини оширмоқда.
Шунингдек, Уиткофф президент Трамп 27 август куни Оқ уйда Ғазо секторининг урушдан кейинги бошқарувига оид кенг қамровли режани муҳокама қилиш учун йиғилиш ўтказишни режалаштираётганини таъкидлади.
