Сентябрдан мактаб директорларининг ойлиги оширилади
Уларнинг базавий тариф ставкаси 20 фоизгa кўтарилади.
Ўзбекистонда мактаблар ва боғчалар раҳбарининг ойлиги оширилмоқда. Бу жорий йил март ойида қабул қилинган президент фармонида кўзда тутилган.
Фармонга кўра, 2025 йил 1 сентябрдан бошлаб мактаб директори лавозимининг базавий тариф ставкаси 20 фоизгa, мактаб директори ўринбосари лавозимининг базавий тариф ставкаси 15 фоизга оширилади.
Шунингдек, I ва II гуруҳга кирувчи боғча директорлари лавозимларининг базавий тариф ставкалари тегишлича III ва IV гуруҳдаги мактаб директори ўринбосари лавозимининг базавий тариф ставкаларига тенглаштирилади, яъни оширилади.
2026 йил 1 январдан бошлаб, мактабларнинг директор жамғармаси маблағлари ҳисобидан директор ва унинг ўринбосарларига фаолият самарадорлиги кўрсаткичлари (KPI) натижасига кўра 20 ва 10 фоиз миқдорида ҳар ойлик устамалар белгиланади.
