Украина Россиядаги ҳарбий корхонага ҳужуми уюштирди
Ҳужум вақтида Украина томони тўртта ракета учирган.
Украина Қуролли Кучлари Бош штаби маълумотига кўра, Брянск вилояти, Карачев туманида жойлашган “Электродеталь” заводига ракета зарбаси берилди. Украина томони ушбу корхона ҳарбий эҳтиёжлар учун маҳсулот ишлаб чиқарганини таъкидлади.
Гувоҳлар хабар беришича, ҳодиса жойида портлашлар содир бўлган ва ёнғин юзага келган. Ҳозирга қадар қурбонлар ёки жабрланганлар ҳақида расмий маълумотлар эълон қилинмаган.
Бош штаб маълумотида қайд этилишича, ҳужум вақтида Украина томони тўртта ракета учирган, уларнинг эҳтимолий учиш масофаси 240 километрдан ортиқ бўлган. Ҳужумда қaйси турдаги ракеталар ишлатилгани ҳақида аниқлик киритилмади.
Ҳодисанинг сабаблари ва оқибатларини аниқлаш бўйича жойида текширув ишлари олиб борилмоқда,
