Трамп АҚШга учта янги штат қўшилиши ҳақида ҳазил қилди
АҚШ президенти Гренландия, Канада ва Венесуэлани АҚШ штатлари сифатида тилга олди.
АҚШ Президенти Доналд Трамп мамлакатга учта янги штат қўшилиши мумкинлиги ҳақида ҳазил билан фикр билдирди. The Washington Post хабарига кўра, 30 январь куни Вашингтондаги кечки тадбирда президент Гренландияни сотиб олиш ниятида эканини, Канадани 51-штат, Гренландияни 52-штат ва Венесуэлани 53-штатга айлантириш мумкинлигини ҳазил тариқасида айтган.
Президент Трамп Гренландияни “51-штат қилиш нияти йўқлигини” таъкидлаб, бу фақат ҳазил эканини билдирган. У Гренландияга бостириб кириш режалари йўқлигини, шунчаки сотиб олишни кўзлаётганини қайд этди. Шу билан бирга, Трамп ҳазил тариқасида Федерал Резерв Кенгаши раисига фоиз ставкасини пасайтирмаса, судга бериши мумкинлигини билдирган.
Аввалроқ, Трамп Канада, Гренландия ва Венесуэланинг Қўшма Штатларга қўшилиши ҳақида чизилган харитани ҳам намойиш этган. Ушбу харитада Оқ уй раҳбари Европа етакчиларига Америка байроғи рангларига бўялган ҳудудларни кўрсатган. Президент кейинчалик барча баёнотларини ҳазил сифатида талқин қилишни тавсия этди ва “Бу ҳазил, бу комедия кечаси” деб изоҳ берган.
