Озарбайжон Россияга норозилик нотасини топширди
Константин Затулиннинг Озарбайжон суверенитети ва ҳудудий яхлитлигига қарши берган баёноти қатъиян қораланди.
2026 йил 6 февраль куни Россиянинг Озарбайжондаги элчиси Михаил Евдокимов Озарбайжон Ташқи ишлар вазирлигига чақирилди. Бу ҳақда Тренд агентлиги Озарбайжон ТИВ маълумотларига таяниб хабар берди.
Норозилик нотасининг топширилиши Давлат Думасининг МДҲ ишлари, Евроосиё интеграцияси ва ватандошлар билан алоқалар қўмитаси раисининг биринчи ўринбосари, "Ягона Россия" партияси аъзоси Константин Затулиннинг 5 февраль куни Озарбайжондаги арман фуқароларига нисбатан ҳукм чиқарилиши юзасидан билдирган баёноти билан боғлиқ.
Озарбайжон ТИВ баёнотида айтилишича, К. Затулин узоқ вақтдан бери Озарбайжон суверенитети ва ҳудудий яхлитлигига қарши чиқиб, сепаратизмни очиқчасига қўллаб келган, шунингдек, Арманистоннинг Озарбайжон ҳудудига қарши ҳарбий тажовузи натижасида содир бўлган уруш жиноятларида айбдор деб топилган шахслар юзасидан суд қарорларини бузиб кўрсатишга уринган. Бундай ҳаракатлар қатъиян қораланган.
Учрашув давомида Россия томонига минтақадаги тинчлик ва барқарорликни, шунингдек, Озарбайжон ва Россия муносабатларига зарар етказишга уринаётган шахслар фаолиятини тўхтатиш бўйича тегишли чоралар кўриш тавсия қилинди.
Шунингдек, Озарбайжон судининг тан олинмаган Тоғли Қорабоғнинг собиқ президентига ва унинг сафдошлари умрбод қамоқ жазоси ҳукм қилгани ҳам хабарда таъкидланди.
