АҚШда 1,6 млн ноқонуний муҳожир депортация қилиниши мумкин
Ушбу шахсларнинг қарийб 800 минг нафари жиноий ёзувларга эга.
ICE маълумотларига кўра, АҚШ ҳудудида яшаётган тахминан 1,6 миллион нафар ҳужжатсиз муҳожир депортация қилиниши мумкин. Бу ҳақда ТАСС хабар берди.
Маълум қилинишича, бу ҳақда ICE директорининг вазифасини бажарувчи Тодд Лёнс Сенат қўмитасидаги тингловлар давомида ахборот берган. Унга кўра, ушбу шахсларнинг қарийб 800 минг нафари жиноий ёзувларга эга.
Шунингдек, расмий маълумотларга кўра, иммиграция назорати органлари томонидан илгари хорижий фуқаролардан иборат минглаб уюшган жиноятчилик гуруҳлари аъзолари ҳамда терроризм билан боғлиқ шахслар аниқланиб, қўлга олинган.
Олдинроқ Кристи Ноэм 2025 йилга бориб мамлакатни миллионлаб муҳожирлар тарк этиши мумкинлигини, уларнинг бир қисми мажбурий депортация қилинишини маълум қилган эди.
Мутахассислар фикрича, ноқонуний миграцияга қарши чоралар кучайтирилиши АҚШнинг ички хавфсизлик сиёсатининг муҳим йўналишларидан бири бўлиб қолмоқда.
