“Равшан Золотой” номи билан танилган шахс халқаро қидирувга берилди
Равшан Муҳитдинов мулкни қасддан йўқ қилиш ёки шикастлаш, жиноий уюшма ташкил этиш ҳамда безорилик билан айбланмоқда.
Интерпол томонидан “Равшан Золотой” номи билан танилган Равшан Муҳитдинов халқаро қидирувга берилди.
Қидирувга берилган 37 ёшли Муҳитдинов Ўзбекистон Жиноят кодексининг 173-моддаси 3-қисми (мулкни қасддан йўқ қилиш ёки шикастлаш) 242-қисм 2-қисми (жиноий уюшма ташкил этиш), 277-моддаси 3-қисми (безорилик) билан айбланмоқда.
Равшан Муҳитдинов 1988 йилда Тошкент шаҳрида туғилган. У ёшлигидан “Равшан Золотой” лақаби билан танилган. У ўзбекистонлик тадбиркор Ғофур Раҳимовнинг қариндоши экани айтилади.
Маълумотларга кўра, Раҳимовга нисбатан босимлар кучайган даврда Муҳитдинов ҳам оғир жиноятларда айбланиб, мамлакатни тарк этган.
Шунингдек, Интерпол томонидан яна бир ўзбекистонлик Дилшод Аҳмедов ҳам халқаро қидирувга берилгани ҳақида хабар берилганди. У “Ўзбекистон металлургия комбинати” АЖ бошқаруви раиси лавозимида фаолият юритган.
Дилшод Аҳмедов 2024 йил 16 октябрда мазкур лавозимга тайинланган, 2025 йил август ойида эса ундан озод этилган. У илгари инвестициялар, саноат ва савдо вазири ўринбосари ҳамда комбинат бошқаруви раисининг биринчи ўринбосари лавозимларида ишлаган.
