“Ўзметкомбинат” собиқ раҳбари Дилшод Аҳмедов халқаро қидирувга берилди
Унга ўзганинг мулкини ўзлаштириш ёки растрата йўли билан талон-торож қилиш бўйича айблов қўйилган.
“Ўзбекистон металлургия комбинати” АЖ собиқ бошқаруви раиси Дилшод Аҳмедов халқаро қидирувга берилди.
Интерпол қайд этишича, унга нисбатан Ўзбекистон Жиноят кодексининг 167-моддаси 3-қисми — ўзлаштириш ёки растрата йўли билан талон-торож қилиш бўйича айблов қўйилган.
Маълумотларга кўра, Дилшод Аҳмедов 2024 йил 16 октябрда “Ўзметкомбинат” бошқаруви раиси этиб тайинланган ва 2025 йил август ойида лавозимидан озод этилган.
Ушбу лавозимгача у инвестициялар, саноат ва савдо вазири ўринбосари, шунингдек “Ўзметкомбинат” бошқаруви раиси биринчи ўринбосари сифатида фаолият юритган.
