Ўзбекистон миллий жамоасининг ЖЧ–2026 олдидан тайёргарлик режаси маълум қилинди
Терма жамоа ЖЧ–2026 олдидан Канада ва Нидерландияга қарши ўртоқлик учрашувларида майдонга тушади.
Ўзбекистон миллий жамоасининг 2026 йилги жаҳон чемпионати олдидан тайёргарлик режаси маълум қилинди.
Унга кўра, терма жамоа 5–25 май кунлари Тошкент шаҳрида ўқув-машғулот йиғини ўтказади. Йиғин доирасида маҳаллий клубларга қарши бир қатор ўртоқлик учрашувлари ташкил этилади. 10 май куни ўтказилган назорат баҳсида Ўзбекистон миллий жамоаси рақибини 4:0 ҳисобида мағлуб этган. Шунингдек, 16 ва 22 май кунлари яна икки ўйин режалаштирилган.
26 май куни терма жамоа Тошкентдан Нью-Ёрк шаҳрига жўнаб кетади. 27–29 май кунлари АҚШда якуний тайёргарлик машғулотлари ўтказилади.
Жаҳон чемпионати олдидан Ўзбекистон миллий жамоаси икки халқаро ўртоқлик учрашувида иштирок этади. Жумладан, 1 июнь куни Канадага қарши Эдмонтон шаҳридаги «Commonwealth» стадионида майдонга тушилади. 8 июнь куни эса Нью-Ёрк шаҳридаги “Icahn Stadium” аренасида Нидерландия терма жамоасига қарши баҳс бўлиб ўтади.
ЖЧ–2026 гуруҳ босқичида Ўзбекистон миллий жамоаси 17 июнь куни Мексика, 23 ва 27 июнь кунлари эса АҚШга қарши учрашув ўтказади.
Маълум қилинишича, жаҳон чемпионати давомида Ўзбекистон миллий жамоасининг базавий шаҳри Нью-Ёрк бўлади.
