Пеп Гвардиола “Манчестер Сити” бош мураббийлигидан кетмоқда
У 2016 йилдан буён “Манчестер Сити”ни бошқариб келган ва 20 та йирик совринни, жумладан 6 та Англия чемпионлигини қўлга киритган.
Англиянинг Манчестер Сити клуби бош мураббийи Пеп Гуардиола мавсум якунида жамоани тарк этади. Бу ҳақда клубнинг расмий сайти орқали маълум қилинди.
Клуб баёнотида қайд этилишича, каталониялик мутахассис 2016 йил июль ойида жамоани қабул қилиб олганидан буён “Манчестер Сити” тарихидаги энг муваффақиятли даврлардан бирини яратган.
Пеп Гвардиола бошқаруви остида «шаҳарликлар» 20 та йирик совринни қўлга киритган. Жумладан, жамоа 6 марта Англия Премер-лигаси чемпиони бўлган, 3 мартадан Англия Кубоги ва Англия Суперкубогида зафар қучган ҳамда 5 бор Англия Лига кубогини қўлга киритган.
Халқаро майдонда эса “Манчестер Сити” илк бор UEFA Чемпионлар Лигаси, UEFA Суперкубоги ва Клублар ўртасидаги Жаҳон чемпионатида ғолиб чиққан.
Маълум қилинишича, Гвардиола клуб бош мураббийлигидан кетганидан сўнг ҳам Ситй Фоотбалл Гроуп тизимида фаолиятини давом эттиради. У глобал элчи сифатида гуруҳ таркибидаги клубларга техник маслаҳатлар бериш ҳамда халқаро лойиҳаларда иштирок этиши режалаштирилган.
Шунингдек, хабарларга кўра, жамоанинг янги бош мураббийи сифатида Энзо Мареска тайинланиши кутилмоқда. Пеп Гвардиола унинг номзодини қўллаб-қувватлаган.
Жорий мавсумда “Манчестер Сити” Англия Премер-лигасида Арсеналдан ортда қолиб, мусобақани иккинчи ўринда якунлаган эди.
