“Ойдин деҳқон бозори”да ёнғин чиқди
Ҳозирда ёнғиннинг келиб чиқиш сабаблари аниқланмоқда. Жароҳатланганлар йўқ.
Тошкент вилояти Олмалиқ шаҳридаги “Ойдин деҳқон бозори”да 30 август куни тонгда ёнғин содир бўлди. Ҳодиса оқибатида тан жароҳати олганлар йўқ.
ФВВга кўра, ёнғин соат 05:18 атрофида шаҳарнинг “Ҳамза” маҳалласи ҳудудида жойлашган бозорда юз берган. Воқеа жойига ёнғин-қутқарув бўлинмалари етиб келиб, аланга қуршаб олинган.
Ёнғин соат 07:12 да ўчирилган.
Ҳозирда ёнғиннинг келиб чиқиш сабаби ва ҳодиса оқибатида етказилган моддий зарар миқдори аниқланмоқда.
