Самарқандда Gentra ҳайдовчиси BYD ҳайдовчисини қувиб, урди
Gentra ҳайдовчиси BYD автомобили йўналишига чиқиб кетгани сабаб ҳайдовчилар ўртасида жанжал бошланган.
Самарқанд шаҳрида йўлнинг қатнов қисмида тўхтаб, бошқа ҳайдовчи билан жанжаллашган Gentra ҳайдовчисига нисбатан чора кўрилди. Бу ҳақда Самарқанд вилояти ИИБ Жамоат хавфсизлиги хизмати ЙҲХБ хабар берди.
Қайд этилишича, ҳодиса Gentra ҳайдовчисининг BYD автомобили ҳайдовчисининг йўналишига чиқиб кетиши ортидан бошланган. Ҳайдовчилар ўртасида оғзаки тортишув юзага келган.
Шундан сўнг Gentra ҳайдовчиси BYD ҳайдовчисини қувиб борган ва жаҳл устида уни урган. Мазкур ҳолат акс этган видео ижтимоий тармоқларда тарқалиб, кенг муҳокамаларга сабаб бўлган.
Gentra ҳайдовчиси содир этган ҳаракатидан пушаймонлигини билдириб, BYD ҳайдовчиси ҳамда ЙПХ ходимларидан узр сўраган.
Ҳолат юзасидан ЙПХ ходими томонидан Маъмурий жавобгарлик тўғрисидаги кодекснинг 128-5-моддаси 2-қисми, профилактика инспектори томонидан эса майда безорилик учун 183-модда асосида маъмурий баённомалар расмийлаштирилган.
Тўпланган ҳужжатлар жиноят ишлари бўйича Самарқанд шаҳар судига юборилади.
