Янги Тошкентда қурилиш маҳсулотлари ёниб кетди
Ҳодиса оқибатида жабрланганлар ҳақида маълумот йўқ.
Бугун, 8 сентябрь куни Янги Тошкент тумани ҳудудидаги қурилиш объектининг юқори қисмида қурилиш маҳсулотлари ёнаётгани ҳақида 112 тизими орқали Фавқулодда вазиятлар бўлимига хабар келиб тушган.
Шунга кўра, ёнғин-қутқарув экипажлари ҳодиса жойига тезкорлик билан етиб бориб, ёнғинни соат 15:40 да тўлиқ ўчирган.
Дастлабки маълумотларга кўра, ёнғин оқибатида тан жароҳати олганлар ҳақида маълумот келиб тушмаган.
