Фарғонада икки ҳамшира пичоқланди, улардан бири вафот этди
Гумонланувчи қўлга олиниб, унга нисбатан жиноят иши қўзғатилган.
7 сентябрь куни Фарғона вилояти Қўштепа туманидаги туғруқхонада икки нафар ҳамширага пичоқ билан ҳужум қилинган. Ҳодиса оқибатида ҳамширалардан бири олган тан жароҳатлари туфайли вафот этган.
Маълум қилинишича, ҳодисани аёл киши содир этган. Дастлабки маълумотларга кўра, у ҳамшираларни хонага қамаб, пичоқлаган. Ҳозирча ҳужумга нима сабаб бўлгани ва ҳодисанинг бошқа тафсилотлари расман маълум қилинмаган.
Бош прокуратура матбуот котиби Ҳаёт Шамсутдинов ҳолатни тасдиқлаган. Унинг маълум қилишича, Қўштепа туман прокуратураси томонидан 7 сентябрь куни мазкур ҳолат юзасидан Жиноят кодексининг 97-моддаси, яъни қасддан одам ўлдириш бўйича жиноят иши қўзғатилган.
Гумонланувчи Жиноят-процессуал кодексининг 221-моддаси тартибида ушланган.
