Навоийдаги конда фожиа: икки ишчи ҳалок бўлган, жабрланганлар ҳам бор
Ҳозирча НКМК воқеа юзасидан расмий муносабат билдирганича йўқ.
Навоий кон-металлургия комбинатининг «Қизилқум» кон бошқармаси таркибидаги Пистали конида бахтсиз ҳодиса юз бергани айтилмоқда.
Комбинатдаги манбага кўра, ҳодиса 10 сентябрь куни содир бўлган. Дастлабки маълумотларга кўра, кон ҳудудида автоағдаргич шинаси портлаб кетган.
Ҳодиса оқибатида икки нафар ишчи ҳалок бўлгани, яна бир неча киши турли даражада тан жароҳатлари олгани айтилмоқда.
Ҳозирча Навоий кон-металлургия комбинати мазкур ҳолат юзасидан расмий маълумот бергани йўқ.
Эслатиб ўтамиз, аввалроқ Мурунтов конида юк автосамосвали хизмат автомобилини босиб кетиши оқибатида икки киши ҳалок бўлгани ҳақида хабар берилган эди.
