Самарқандда 42 ёшли аёл ўлими: y рўмол билан ўзини осган
Марҳуманинг ўлими сабабини аниқлаш учун экспертиза тайинланган.
Самарқанд шаҳрида 42 ёшли аёлнинг вафоти юзасидан текширув олиб борилмоқда. Бу ҳақда Бош прокуратура матбуот котиби Ҳаёт Шамсутдинов Zamon.uz'га маълум қилди.
Қайд этилишича, 2026 йил 21 октябрь куни соат тахминан 12:30 да аёл ўз уйининг ҳовлисидаги турникка аёллар рўмоли билан бўйин соҳасидан осиб ўз жонига қасд қилган ва ҳодиса жойида вафот этган.
Ҳодиса жойига тезкор-тергов гуруҳи чиқиб, воқеа жойи кўздан кечирилган. Марҳуманинг ўлими сабабини ва танасида жароҳатлар бор-йўқлигини аниқлаш учун суд-тиббий экспертизаси тайинланган.
Ҳозирда мазкур ҳолат юзасидан шаҳар прокуратураси томонидан терговга қадар текширув олиб борилмоқда.
