Шавкат Мирзиёев Қатар Амири билан учрашди
Учрашувда икки томонлама келишувлар ижроси ҳамда глобал ва минтақавий масалалар муҳокама қилинди.
Президент Шавкат Мирзиёев 26 октябрь куни мамлакатга амалий ташриф билан келган Қатар Давлати Амири Шайх Тамим бин Ҳамад Ол Соний билан учрашди.
Суҳбат аввалида икки давлат ўртасидаги олий даражадаги фаол мулоқотлар ва тизимли ҳамкорлик натижасида алоқалар стратегик шериклик даражасига кўтарилгани мамнуният билан қайд этилди. Ўзбекистон ва Қатар ўртасидаги яқин муносабатлар ўзаро дўстлик ва ҳамкорликни янада мустаҳкамлаши таъкидланди.
Учрашувда олий даражада эришилган келишувларнинг амалга оширилиши кўриб чиқилди. Томонлар савдо-иқтисодий, инвестициявий, ижтимоий ва гуманитар соҳалардаги лойиҳаларни янада кенгайтиришга келишиб олди.
Шунингдек, етакчилар глобал ва минтақавий аҳамиятга эга масалалар юзасидан фикр алмашди.
