“Ижтимоий реестр”га киритиш рад этилдими? Энди онлайн шикоят қилиш мумкин
Мурожаатлар 15 кун ичида кўриб чиқилади.
Ўзбекистонда фуқаролар оиласини “Ижтимоий реестр”га киритиш рад этилгани ёки “маҳалла еттилиги” томонидан расмийлаштирилган хулоса ва далолатномалардан норози бўлса, энди my.gov.uz орқали электрон шикоят юбориши мумкин.
Вазирлар Маҳкамасининг 2026 йил 29 январдаги 35-сон қарорига мувофиқ, фуқаролар туман ва шаҳар ҳокимликлари ҳузуридаги Апелляция кенгашига мурожаат қилиш имкониятига эга бўлди.
Апелляция кенгаши қуйидаги масалаларни кўриб чиқади:
-
Оилани “Ижтимоий реестр”га киритиш рад этилгани юзасидан шикоятлар;
-
“Маҳалла еттилиги” томонидан расмийлаштирилган саволнома, хулоса ва далолатномаларни қисман ёки тўлиқ бекор қилиш;
-
Ҳужжатларга ўзгартириш киритиш мажбуриятини “маҳалла еттилиги” зиммасига юклаш ҳақидаги мурожаатлар.
Шикоятлар келиб тушган кундан бошлаб 15 кун ичида кўриб чиқилади. Апелляция кенгаши мажлислари заруратга қараб, бироқ камида ойига бир марта ўтказилади.
Электрон шикоятни my.gov.uz портали орқали юбориш мумкин.
