Ижтимоий тармоқлардаги қайси саҳифалар тақиқланган? Олий суд янгиланган рўйхатни эълон қилди

 

Олий суд диний экстремистик, террористик ва ақидапарастлик ғоялари билан йўғрилган деб топилган ҳамда Ўзбекистонда тақиқланган интернет манбалари ва контентларнинг янгиланган рўйхатини эълон қилди.

 

2026 йил 3 ноябрь ҳолатига кўра, рўйхатга жами 2 057 та манба киритилган. Уларни Ўзбекистон ҳудудига олиб кириш, тайёрлаш, сақлаш, тарқатиш ва намойиш этиш тақиқланган.

 

Рўйхатдаги манбалар қуйидагича тақсимланган:

• Facebook — 276 та саҳифа;

• Теlegram — 967 та канал ва гуруҳ;

• Instagram— 454 та профиль;

• YouTube — 214 та канал;

• Оdnoklassniki — 44 та саҳифа;

• ТikTok — 68 та аккаунт;

• Threads — 1 та профиль;

• веб-сайтлар ва бошқа манбалар — 33 та.

 

Олий суд фуқароларни диний ақидапарастлик, экстремизм ва терроризм ғояларидан эҳтиёт бўлишга ҳамда суд томонидан тақиқланган интернет манбаларидан йироқ туришга чақирди.

 

Тақиқланган манбаларнинг тўлиқ рўйхати билан Олий суднинг расмий саҳифасида танишиш мумкин.