Тошкентда Li 9 пиёдани уриб юборди: эркак воқеа жойида вафот этди
41 ёшли эркак йўлни белгиланмаган жойдан кесиб ўтаётган бўлган.
Тошкент шаҳрининг Яшнобод туманида йўл-транспорт ҳодисаси содир бўлди. Оқибатда 41 ёшли пиёда ҳалок бўлди.
Тошкент шаҳар ИИББ ЙҲХБ маълумотига кўра, ҳодиса 1 ноябрь куни соат 17:45 ларда ТХАЙ кўчасида, Қўйлиқ қурилиш бозори қаршисида юз берган.
2004 йилда туғилган Й.М. исмли ҳайдовчи LiXiang Li 9 русумли автомобилни бошқариб кетаётиб, йўлни белгиланмаган жойдан кесиб ўтаётган 1985 йилда туғилган пиёдани уриб юборган.
ЙТҲ оқибатида пиёда ҳодиса жойида вафот этган.
Ҳозирда мазкур ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.
