Ўзбекистонликларнинг хорижда қолиб кетган маошлари ундирилди: 850 минг доллар қайтарилди

 

2026 йилнинг январь–сентябрь ойларида Миграция агентлиги хорижда меҳнат қилаётган ўзбекистонликларнинг иш ҳақи ва компенсацияларини ундиришда ёрдам берди. Натижада чет эллик иш берувчилардан фуқаролар фойдасига жами 850 минг АҚШ доллари ундириб берилди.

 

Агентлик маълумотига кўра, шу даврда маош ва компенсациялар билан боғлиқ муаммолар юзасидан 817 нафар фуқаро мурожаат қилган.

 

Мурожаатлар давлатлар кесимида қуйидагича тақсимланган:

• Россия — 533 та;

• Туркия — 155 та;

• Жанубий Корея — 92 та;

• бошқа давлатлар — 37 та.

 

Бундан ташқари, 532 нафар ўзбекистонликнинг шахсини тасдиқловчи ҳужжатлари воситачилар ва хорижий иш берувчилардан қайтариб олинди.

 

Ҳужжатларни қайтариш ҳолатларининг 331 таси Россия, 185 таси Туркия, 11 таси Қозоғистон ва 5 таси Жанубий Кореяга тўғри келади.