“Зеленскийнинг кетиш вақти келди” — Илон Маск
Аввалроқ Дональд Трамп ҳам Украинада янги президент сайлаш вақти келганини билдирган эди.
Америкалик бизнесмен, SpaceX компанияси бош директори Илон Маск Украина президенти Владимир Зеленский истеъфога чиқиши кераклигини айтди. У бу ҳақда Х ижтимоий тармоғидаги постида ёзди.
Маскнинг баёноти Зеленскийнинг британиялик телебошловчи Пирс Морган билан интервьюсидан олинган парчани муҳокама қилган фойдаланувчи постига жавобан берилди. Интервьюда Украина президенти ўз мамлакатини сотишни истамаслигини билдирган.
“Шундай экан, қирғин давом etadi... Зеленскийнинг кетиш вақти келди”, — деб ёзди Маск.
Аввалроқ, 10 октябрь куни АҚШ президенти Дональд Трамп ҳам Украинада янги президент сайлаш вақти келганини билдирган эди. Унинг таъкидлашича, Зеленский Россия билан можарони бир неча бор якунлаши мумкин бўлган, бироқ бундай қилмасликни танлаган.
Зеленский эса Россия 60 кунлик сулҳга рози бўлган тақдирда, Украинада сайловлар ўтказилиши мумкинлигини айтган.
Владимир Зеленскийнинг президентлик муддати 2024 йил 20 майда тугаган. Бироқ Украинада ҳарбий ҳолат давом этаётгани сабабли у президент вазифасини бажаришда давом этмоқда.
