2022 йилда электр энергияси ва табиий газ нархи ошиши кутилмоқда

 

 

Ҳисоб палатаси 2022 йил учун давлат бюджети юзасидан ўз хулосасини эълон қилди. Унда давлат бюджети ҳисобидан ривожлантириш дастурлари мавжуд бўлмаган айрим вазирлик ва идораларнинг мақсадли индикаторлари уларнинг стратегик мақсадларидан келиб чиққан ҳолда шакллантирилган.

 

Маълум бўлишича, 2022 йилда реал ўсиш суръати 5,9 фоизни ташкил этиши прогноз қилинган. 2023 йилда 5 фоиз, 2024 йилда ҳам 5 фоиз миқдори қайд этилган.

 

Электр энергияси ва табиий газни ички истеъмолчиларга сотиш нархи, иссиқ сув ва иссиқлик, совуқ сув ва канализация тарифлари ошиши кутилмоқда. Бу 2020-2021 йилларда ушбу ресурслар нархлари ўзгармагани ва кейинги йилда индексация қилиниши кўзда тутилаётгани билан изоҳланган.

 

Маълумот учун: ҳисоб палатаси томонидан солиқ солиш базасидаги ўзгаришлар, ишлаб чиқариш ҳажмларидаги ўсиш кўрсаткичлари, солиқ маъмурчилигидаги ўзгаришлар ва солиқ имтиёзлари таркиби таҳлил қилиниб, бюджет даромадлари прогнози белгиланишида айрим тушумларнинг манбалари етарли эмаслиги ёки тўлиқ ҳисобга олинмаганлиги аниқланиб, Лойиҳага тегишли тузатишлар киритиш тавсия этилди.

 

Эслатиб ўтамиз, аввалроқ Сурхондарё ва Хоразмда электр станциялари қурилиши, Тошкент шаҳрининг икки туманида электр таъминотида аварияли узилиш кузатилиши ҳамда Тошкентда иссиқлик таъминотини яхшилаш учун қарийб 1,4 млрд евро сарфланиши кутилаётгани ҳақида хабар берилганди.