“Толибон” БАА билан аэропортларни бошқариш бўйича келишувга эришди. Бу ҳақда “ТАСС” хабар берди.
Гап Афғонистоннинг тўрт аэропорти ҳақида кетмоқда. Келишув бош вазир ўринбосари Мулла Абдулғани Бародарнинг БААга ташрифи вақтида имзоланган. Унга кўра, Абу-Даби Кобул, Қандаҳор, Ҳирот ва Мозори-Шариф аэропортларини бошқаришда ёрдам беради.
Бундан олдин толиблар шу масалада Туркия ва Қатар билан музокара ўтказган. Аммо томонлар молиявий ва юридик масалада келиша олмаган.
Аввалроқ Ўзбекистон мутахассислари Мозори-Шариф аэропортини таъминлашда иштирок этаётгани ҳақида хабар берилганди.