Алламжонов янги дарсликлар қандай моделга асосланишини маълум қилди
Президент Администрацияси раҳбари ўринбосари Комил Алламжонов Янги Ўзбекистон мактабининг ўқувчилари портрети қандай бўлиши ҳақида маълумот берди.
Ўзбекистонда яратилаётган замонавий мактаб дарсликлари методикаси “4К” моделига асосланади. Бу ҳақида президент Администрацияси раҳбарининг ўринбосари Комил Алламжонов маълум қилди.
Булар:
1.(К) Коллаборация – жамоа бўлиб ишлаш қобилиятини шакллантириш;
2.(К) Коммуникативлик – одамлар билан мулоқот қилиш қобилиятини ривожлантириш;
3.(К) Креатив фикрлаш – ўз мақсадига эришиш йўлида янгиликларга қўл уриш, ноодатий қарорлар қабул қилиш, ихтирочилик кўникмаларини ўргатиш;
4.(К) Критик фикрлаш – ўз мустақил фикрига эга бўлиш ва уни ифода этиш, масалага танқидий ёндашиш.
«Биз орзу ва ҳозирда режа қилган Янги Ўзбекистон мактабининг ўқувчилари портрети ана шундай бўлади. Ҳозирда 1-4 синф учун комплекс маҳсулотлар тайёр ва катта апробация — синов тадбирлари бошланди. Оддий айтганда, бугун бизда аниқ маҳсулот тасаввури бор», — дейди Комил Алламжонов.
Эслатиб ўтамиз, сентябрь ойида Президент Администрацияси ҳузурида тузилган ишчи гуруҳ мактаб дарсликлари, ўқув режалари ва китобларнинг унга мослиги, бу соҳадаги муаммолар ва унинг ечими юзасидан ўрганиш ишларини бошланганди.
