Америкалик блогер 12 кун ухламасдан жаҳон рекордини ўрнатди

YouTube учун контент тайёрловчи 19 ёшли блогер Норме 264 соату 24 дақиқа ухламасдан Гиннеснинг рекордлар китобига кирди.

 

У бу жараённи онлайн траслация қилиб борди. Агар ҳушидан кетиб, соғлиғи ёмонлашса, бунинг олдини олиш учун ёнига тез тиббий ёрдам ходимларидан бирини жалб қилган.

 

Шифокорнинг сўзларига кўра, 96 соат ёки ундан кўпроқ вақт давомида ухламаслик кенг тарқалган психозга олиб келиши мумкин, бу оғир галлюцинациялар билан тавсифланади. Уйқусизликнинг таъсири кўпинча бешинчи куни энг юқори даражага етади, кейин эса мисли кўрилмаган таъсирлар кузатилади.

 

12 кун давомида ухламаган блогернинг танасида келгусида салбий асоратлар юзага келиши мумкинлиги айтилмоқда.