АҚШ бир қанча россиялик трейдерларга қарши санкциялар киритди
АҚШ Молия Вазирлиги Россия нефтига нархларнинг юқори чегарасига риоя қилиш талабларини кучайтирди.
2023 йил февраль ойида G7 давлатлари, Европа Иттифоқи ва Австралия Россия томонидан экспорт қилинадиган нефт нархи чегарасини бир баррел учун 60 доллар қилиб белгилади. Бу механизм ушбу мамлакатлар компанияларининг юк ташиш чартер ва денгиз суғуртаси бозорларида устунлиги туфайли ишлайди деб тахмин қилинганди.
Ушбу хизматлар бўйича шартномаларда ташиладиган нефтнинг нархи кўрсатилиши, , агар суғурталовчилар ва кема эгалари санкцияларни бузганликлари учун жавобгарликка тортилишни истамасалар белгиланган чегарадан юқори нархда Россия нефтини экспорт қилишда иштирок этишни рад қилишлари керак эди.
Амалда, кўплаб белгилар юқори нарх чегарасининг ишламаётганлиги, камида кутилган натижани бермаётганини кўрсатмоқда: Россия эгалари санкциялар қўйган давлатлардан ташқарида жойлашган танкерларда нефт экспорт қилишни бошлади ва муқобил суғуртачиларни топди. Киев Иқтисодиёт мактаби ҳисоб-китобларига кўра, октябрь ойида денгиз орқали экспорт қилинадиган Россия нефтининг 99% дан ортиғи бир баррел учун 60 доллардан юқори нархларда сотилган. Россиянинг 2024 йил учун бюджети,э харажатларнинг 30–40 фоизигача (ҳисоблаш усулига қараб) Украинадаги урушга тўғри келади. Бюджет, рус нефтининг бир баррели учун 71,3 доллар нархида бўлишидан келиб чиққан ҳолда тузилади.
АҚШ Молия вазирлигининг Хорижий активларни назорат қилиш бошқармаси (OFAC) тавсияларининг янги таҳририда Россия нефт ва нефт маҳсулотларини ҳар бир юклаш ва тушириш учун нарх сертификатларини олиш муддатини белгилаб берилган ва компанияларга тегишли барча харажатларни ҳужжатлаштириш мажбуриятини юклайди. Янги талаблар 19 февралдан кучга киради.
OFAC шунингдек, иккитаси Гонконгда (Bellatrix Energy Limited ва Energy Limited) ва учинчиси БААда (Voliton DMCC) рўйхатдан ўтган учта трейдерга нисбатан санкциялар қўллади. Департаментнинг пресс-релизида ушбу компаниялар ижарага олган ёки эгалик қилган кемалар рўйхати келтирилган.
Бундан ташқари, санкциялар Амирликларда рўйхатдан ўтган кема эгаси SUN Ship Management D Ltd компаниясини ҳам ўз ичига олади. Америка расмийларининг билдиришича, Россиянинг "Совкомфлоти" давлат компаниясига тегишли ва унинг кемаларини бошқаради.
