Шу ҳафтада АҚШ конгресси Украинага 40 миллиард долларлик ёрдам пакетини кўриб чиқиши мумкин. Бу ҳақда WSJ хабар берди.
Газета маълумотларига кўра, сешанба куни Конгресснинг вакиллар палатаси аъзоларига ушбу ёрдам пакети тўғрисида маълумот тақдим этилади. Ўтган ҳафтада Жозеф Байден Киевга янги ёрдам ҳақида маълумот берганди. Унинг сўзларига кўра, Конгресс тасдиқлаган ҳарбий ва молиявий маблағлар деярли ишлатилиб бўлинган.
Байден 33 миллиард долларлик кўмак ҳақида гапирган. Аммо якунда унинг умумий миқдори 40 миллиардга етди.
Аввалроқ Украина бош вазири Киевга тақдим этилган ёрдам суммаси ҳақида маълумот берганди.