Дональд Трампнинг миллий хавфсизлик бўйича собиқ маслаҳатчиси Жон Болтон 2024 йилги президентлик сайловида иштирок этишга тайёрлигини билдирди. У собиқ раҳбарининг қайта сайланмаслиги учун бу қадамни амалга оширишга тайёр.
"Агар ҳозирги номзодлар Трампнинг юз ўгирмаса, мен президентлик пойгасида қатнашишга тайёр", — деб ёзган Болтон Twitter саҳифасида.
Сиёсатчи бу ҳаракатлари орқали конституцияни ҳимоя қилмоқчи эканини айтган.
Ҳозирги кунда бўлажак сайловда иштирок этиш учун фақат Трамп рўйхатга олинган. Жон Болтон 2018-2019 йилларда Оқ уйда фаолият юритган. Кейинчалик Трамп ундан лавозимини тарк этишни талаб қилган.
Ижтимоий сўровномалар натижасига кўра, 60 фоиз америкаликлар Трампнинг сайловда қатнашишига қарши.