АҚШ Сурияга авиазарбалар берди. Бу ҳақда Қўшма Штатлар қуролли кучлари марказий қўмондонлиги маълум қилди.
Зарбалар Эрон Ислом инқилоби муҳофизлари корпуси билан боғлиқ гуруҳ инфратузилмасига берилган. Бу Жозеф Байденнинг буйруғи билан амалга оширилган.
"Президен Байден топшириғи билан АҚШ қуролли кучлари бугун Дейр-аз-Зор вилоятига аниқ зарбалар берди", — деб қайд этилган марказий қўмондонлик Twitter саҳифасида.
Ҳарбийлар ушбу ҳужумлардан кўзланган мақсад эронпараст гуруҳларнинг Америка фуқароларига ҳужумини олдини олиш эканини таъкидлаган.
Аввалроқ АҚШ бошчилигидаги халқаро коалиция Сурия шимолида ИШИД етакчиларидан бирини қўлга олганди.