Туркманистон собиқ президенти Гурбангули Бердимуҳаммедов Туркий давлатлар ташкилоти Оқсоқоллар кенгаши аъзоси этиб сайланди. Бу ҳақда ташкилот котибияти хабар берди.
“Котибият Гурбангули Бердимуҳаммедовнинг Оқсоқоллар кенгаши аъзолиги билан фахрланади ва унинг донолиги, билими ва тажрибаси кенгаш салоҳини бойитишига ҳамда ташкилот мавқеини оширишда муҳим роль ўйнашига ишонади”, – дейилади котибият баёнотида.
Шунингдек, Бердимуҳаммедовнинг Кенгаш фаолиятидаги иштироки Ашхободнинг турк дунёси билан сиёсий, иқтисодий ва маданий-гуманитар ҳамкорлигини чуқурлаштиришига умид билдирилган.
Туркманистон 2021 йилда Истанбулдаги Туркий давлатлар ташкилотининг 8 саммити якунига кўра ушбу тузилмада кузатувчи мақомга эга бўлди.
Аввалроқ Туркманистон ҳукумати истеъфога чиқарилгани тўғрисида хабар берилганди.