Кеча, 18 июль куни Афғонистонда “Термиз-Пешовар” темир йўл алоқасини ўрнатиш бўйича “Ўзбекистон-Покистон-Афғонистон” қўшма лойиҳасининг йўналиши ва техник-иқтисодий асосларини аниқлаш бўйича экспедиция ишлари бошланди.
“Термиз – Мозори-Шариф – Кобул – Пешовар” трансафғон темир йўли лойиҳасининг тахминий қиймати 5 млрд долларни ташкил этади. Узунлиги 600 км бўлган темир йўл Марказий Осиё давлатлари учун Покистоннинг йирик денгиз портларига чиқиш йўлини очади.
Лойиҳа тўлиқ амалга оширилгач, Покистондан Ўзбекистонга юк ташиш 35 кун эмас, 3-5 кун давом этиши мумкин. Шунингдек, битта стандарт юк контейнерини ташиш нархи қарийб 3 баробарга арзонлашиши кутилмоқда.
Хусусан, йўналиш бўйича юк ташиш ҳажми 10 млн тоннага етиши тахмин қилинмоқда.
