"Балки бу Истанбулда бўлар" — Зеленский Путин билан учрашув ҳақида гапирди
Шунингдек, у Россия билан музокараларга нима мажбур қилганини очиқлади.
Украина президенти Владимир Зеленский Россия билан музокара олиб боришни истамаслигини, аммо келишувларга эришиш учун бунга мажбур бўлаётганини маълум қилди. Бу ҳақда сиёсатчи Туркиянинг "Xaber Turk" телеканалига берган интервьюсида айтган.
"Ҳар қандай шароитда ҳам музокаралар учун кичик бўлса-да, имконият яратилиши керак. Ҳозирда воситачилик ролини у ёки бу етакчи ўйнамоқда, Туркия улардан бири. Биз қанчалик хоҳлайлик ёки хоҳламайлик, агар одамларимиз ҳаётини сақлаб қолишни истасак, ҳал куни уларни қутқариш учун қадам ташлашимиз керак", — деган у.
Шунингдек, у Путин билан учрашув ҳақида гапирар экан:
"Балки бу Истанбулда бўлар. Менимча, бу учрашувда нима билан гап бошлаб, тугатишимиз муҳим эмас. Бу ерда мен анча прагматик бўламан. Биз келишувга эришишимиз керак бўлган масалалар бор", — деб қўшимча қилган президент.
Аввалроқ Зеленский Украинанинг эҳтимолий хавфсизлик кафолатчилари ҳақида гапирганди.
