Банклар жуда катта порахўрлик билан шуғулланяпти — Шавкат Мирзиёев

 

15 апрель куни бўлиб ўтган видеоселектор йиғилишида банкларда текширувларнинг ҳаддан ортиқ кўпайиб кетаётганлигини таҳлил қилган президент асоссиз равишда тадбиркорга халақит беришни тўхтатиш зарурлигини таъкидлади.

 

“Энг юқори — Тошкент шаҳар ҳокими, ўзи тадбиркор бўлса ҳам, 11 мингта текшириш ташкил қилган. Сурхондарёда 6 мингта, 3 бараварга кўпайтирган Боболов. Тошкент вилояти 1,5 бараварга ортиб 8 мингтага, Фарғонада 1,6 баравар ортиб 7 мингтага кўпайган. Тошкент шаҳар ҳокими, Сурхондарё, Тошкент, Фарғона вилояти ҳокимлари бир ҳафта муддатда тадбиркорлар билан учрашиб, ечимини, айтилган гапларини ёзиб олиб менга беради. Кафолат берасан тадбикорларга. Қарор қабул қилинади, тадбикорлик фаолиятига асоссиз аралашувнинг олдини олиш учун энди 22 турдаги текширув фақат ва фақат бизнес-омбудсманнинг рухсати билан амалга оширилади.

 

Шунингдек, давлат раҳбари, ажратиладиган ҳар бир доллар, ҳар бир сўм буджетданми, банкданми — бу ҳаммаси халқнинг пули эканлигини таъкидлади.

 

“Инфраструктурага жавоб берадиган — газ, ъсветъ ва ҳоказо, ўшалар жуда катта порахўрлик билан шуғулланяпти. Банклар жуда катта порахўрлик билан шуғулланяпти. Менда кўп маълумот бор. Шунча қийналиб топган пулимизни ҳалоллик билан халқимизга етказиш бўйича ҳаракат қиляпмиз, лекин йўлимизда ер бериш, ер олиш, ер сотиш бўляпти. Биласизларми, бу нарсаларни эшитиш менга қандай алам қилади?”, — деган президент.