Бахшилар баҳс майдонида

Миллатнинг тарихи, ўтмиши ва маданиятини тараннум этувчи номоддий маданий мерослари сирасида бахшичилик жанри алоҳида ўрин тутади. Халқ оғзаки ижодидада бахшичилик миллатнинг ўзлигини англаш, унинг ўзига хос миллий қадриятлари ва анъаналарини сақлаш ва ривожлантиришда бебаҳо манба ҳисобланади.

 

Мазкур жанрнинг ноёб намуналарини асраб-авайлаш ва келажак авлодга етказиш мақсадида жорий йилнинг 26-28 апрель кунлари Хивада ЮНEСКО ВА АЙСEСКО шафелигида IV Халқаро бахшичилик санъати фестивали ўтказилиши белгиланган.

 

27 апрель куни Фестивалда дунёнинг 40 дан ортиқ давлатларидан ташриф буюрган бахшилар баҳслашишди. Хусусан , Уммон, Габон, Бразилия, Хитой, Ҳиндистон, Эрон, Қозоғистон, Корея, Кувайт, Малайзия, Мавритания, Миср, Марокаш, Қирғизистон, Россия, Туркманистон, Венгрия, Озарбайжон, Мўғулистон, Сербия, Беларус Республикаси, Франция, Афғонистон, Япония, Буюк Британия, Serra-Леоне, Швесия, Иордания, Швесария, Судан, Туркия, Болгария, Германия, Саудия Арабистони, Тунис, Словакия, Филиппин, Қатар, Покистон, Ўзбекистон давлатларидан 200 нафарга яқин вакиллар ўртасида фестиваль доирасидаги халқаро танлов ўтказилди.

 

 

 

 

Шунингдек, фестиваль доирасидаги танлов иштирокчиларини баҳолаш ва ғолибларни тақдирлаш учун халқаро танловида ҳакамлар ҳайъати аъзолари таркиби Ўзбекистон, Венгрия, Озарбайжон, Қозоғистон, Россия, Қувайт, Мўғулистон давлатлари вакилларидан шакллантирилган.

 

"Гран-При"  мукофоти - 7 000 АҚШ долларини ташкил этади.

 

1-2-3-ўринларни қўлга киритганлар учун мос равишда ҳар бир йўналишда 2 та номинация (Достон ижрочилиги йўналиши, Чолғу ижрочилиги йўналиши) бўйича 5 000, 3500, 2500 АҚШдолларидан мукофотланади.

 

Фестивалнинг тантанали ёпилиш ва ғолибларни тақдирлаш маросими 28 апрель куни бўлиб ўтади.