Европа Иттифоқи Россия билан уруш олиб бормаяпти. Бу ҳақда Евроиттифоқ ташқи ишлар ва сиёсат бўйича олий комиссари Жозеф Боррель маълум қилди.
Европа бош дипломатининг сўзларига кўра, мавжуд вазиятда у Украинани қўллаб-қувватлаяпти.
"Санкциялар муҳим, аммо – сиёсат эмас. Бу воқеаларга муносабат. Бизга мавжуд муаммолар ечими керак ва бу ечимлар дипломатия билан боғлиқ бўлиши керак. Биз Россия билан уруш олиб бормаяпмиз. Аммо биз ҳужумга учраганлар тарафидамиз", — деган сиёсатчи.
Шу билан бирга Боррель санкциялар Европага ҳам таъсир кўрсатишини айтган. Бундан ташқари, у ядро уруши ҳақида гапириш — масъулиятсизлик эканини маълум қилган.
Маълумот учун: 24 февраль куни Россия Украина шарқида махсус операция бошлашини эълон қилди. Ҳозирда мамлакатнинг турли нуқталарида жанглар кетмоқда. Ғарб бунга жавобан Москвага санкциялар жорий этди. Қора рўйхатда Путин, РФ ташқи ишлар вазири Сергей Лавров ва бошқа кўплаб олий мартабали амалдорлар ҳам бор.
Эслатиб ўтамиз, аввалроқ Туркия Россияга санкция жорий этмагани сабабларини очиқланган эди.